జగదభి రామా రఘుకుల సోమా - భజన

జగదభి రామా రఘుకుల సోమా
శరణములీయవయా రామా కరుణను చూపవయా 2

కౌశిక యాగము కాచితివయ్యా
రాతిని నాతిగ చేసితివయ్యా 2
హరివిల్లు విరిచీ మురిపించు సీతను 2
పరిణయమాడిన కళ్యాణరామా
శరణములీయవయా రామా కరుణను చూపవయా     " జగ "

ఒకటే మాటా ఒకటే బాణము ,
ఒకటే సతియని చాటితివయ్యా,
దుజనులనణచి సుజనుల బ్రోచిన
ఆదర్శమూర్తివి నీవేనయా
శరణములీయవయా రామా కరుణను చూపవయా     " జగ "

జయ జయ రాం జానకి రాం 2
పావన నాం మేఘశ్యాం 2

కరుణ జూపుమా ఓ రామా కళ్యాణ రామా - భజన

{ఆరనీకుమా ఈ దీపం శైలిలో....}

కరుణ జూపుమా ఓ రామా కళ్యాణ రామా
కోపమా మా పైన నీకు కోదండ రామా

మధురమురా రామా నీ నామము
మధురముగా నీ భజనలు చేయుదు........ " కరు"

ఆ ఆ ఆ

ఈ సృష్టికి సూర్యుని రూపున వెలిగే శృంగార రూపం
నా కంటి పాపలో కదలాడే నీ కమనీయ రూపం
నా ఆత్మలో వెలిగే దీపం
ఈ దీనుని పాలిట దివ్య స్వరూపం.... " కరు "

ఆ ఆ ఆ

రాముడవైనా శ్యాముడవైనా నీవేరా రామా
రామాయను రెండక్షరమ్ములు మధురమ్ముర రామా
సురులైనా నరులైనా
తృప్తిగ కొలిచే సుందర రూపం...   " కరు "

ఆ ఆ ఆ

పంచరంగుల రూపుడవయ్యా పరమాత్మా నీవు
రాజేశ్వరుడు గతియించెనురా రక్షింపుర రామా
నే కోరేది ఒకటే వరము
ఈ జీవాత్మకు ముక్తి మార్గము ... " కరు "

ఆ ఆ ఆ