సాయి భవానీ సాయి భవానీ సాయి భవానీ మా - భజన

సాయి భవానీ సాయి భవానీ సాయి భవానీ మా 2
శంకరీ అభయంకరీ సాయి భవానీ మా

దుర్గాలక్ష్మీ సరస్వతీ
జై సాయి భవానీ మా
గాయత్రీ ప్రియ గౌరి మహేశ్వరి
సాయి భవానీ మా        " సాయి "

దోసిట గులాబి పువ్వులతో నీ వాకిట నిలబడి ఉన్నామయ్యా - భజన

దోసిట గులాబి పువ్వులతో నీ వాకిట నిలబడి ఉన్నామయ్యా
సాయి బాబా నీ వాకిట నిలబడి ఉన్నామయ్యా

కఫ్ని వస్త్రము ధరియించీ కర్మలు జోలెలొ వేసుకొనీ
ధునిలో కాల్చే వాడవనీ బాబా 2
నీ వాకిట నిలబడి ఉన్నామయ్యా 2    " దోసిట "

తెల్లనీ నీ పాదమూ చల్లనైనా నీదు మనసూ
పిలిచిన పలికే వాడవనీ బాబా 2
నీ వాకిట నిలబడి ఉన్నామయ్యా 2     " దోసిట "

కాలు మీదా కాలు వేసి కర్మలన్నీ కాలరాసీ
కరుణ జూపే వాడవనీ బాబా 2
నీ వాకిట నిలబడి ఉన్నామయ్యా 2      " దోసిట "

సాయిరాం సాయిశ్యాం - భజన

సాయిరాం సాయిశ్యాం
నిన్ను చూడాలి ఒకసారి నిన్ను చూడాలి ఒకసారి 2

భక్తులకొరకూ షిర్డీ పురమున వెలసితివోయీ సాయి బాబా
నిన్నే నేనూ నమ్మితి సాయీ
నను కాపాడగ రావా   " సాయిరాం "

నీ నగు మోమూ చూచిన చాలూ
నీకు సాటీ ఎవ్వరు లేరు
సాయి సాయి షిర్డి సాయి
దర్శనమీయగ రావా   " సాయిరాం "

నిన్నే వేడితి నా మొర వినవా
నీవు గాక మాకెవరయ్యా
బాబా బాబా సాయి బాబా
పరుగు పరుగున రావా  " సాయిరాం "

ఎంతెంత దయ నీది ఓ సాయి - భజన

ఎంతెంత దయ నీది ఓ సాయి
నిన్ను ఏమని పొగడను సర్వాంతర్యామి 2    " ఎంతెంత "

తొలగించినావు వ్యాధులు ఊదితో
వెలిగించినావు దివ్వెలు నీటితో 2
నుడులకు అందవు నుతులకు పొంగవు 2
పాపాలు కడిగేటి పావన గంగవు   " ఎంతెంత "

భక్త కబీరే నీ మతమన్నావు
భగవానుడే నీ కులమన్నావూ 2
అణువున నిండిన బ్రహ్మాండమున 2
అందరిలో నీవె కొలువై ఉన్నావు   " ఎంతెంత "

ప్రభవించినావు మానవ రూపమై
ప్రసరించినావు ఆరని జ్యోతివై  2
మారుతి నీవే గణపతి నీవే 2
సర్వ దేవతల నవ్యాకృతి నీవె   " ఎంతెంత "

మనోహరం మహా వరం సాయి ఉపన్యాసం - భజన

మనోహరం మహా వరం సాయి ఉపన్యాసం
మరపు రాదు మరల రాదు మనకీ అవకాశం  " మనో "

వేదికపై సాయి ఉపన్యాసించుచుండగా
వినిన చెవులు పండగా వినని చెవులు దండగా    " మనో "

మందహాస వదనముతో సాయి పలుకరించగా
సనాతనా సారథీ స్వర్గానికి వారధీ      " మనో "