ఎంతెంత దయ నీది ఓ సాయి - భజన

ఎంతెంత దయ నీది ఓ సాయి
నిన్ను ఏమని పొగడను సర్వాంతర్యామి 2    " ఎంతెంత "

తొలగించినావు వ్యాధులు ఊదితో
వెలిగించినావు దివ్వెలు నీటితో 2
నుడులకు అందవు నుతులకు పొంగవు 2
పాపాలు కడిగేటి పావన గంగవు   " ఎంతెంత "

భక్త కబీరే నీ మతమన్నావు
భగవానుడే నీ కులమన్నావూ 2
అణువున నిండిన బ్రహ్మాండమున 2
అందరిలో నీవె కొలువై ఉన్నావు   " ఎంతెంత "

ప్రభవించినావు మానవ రూపమై
ప్రసరించినావు ఆరని జ్యోతివై  2
మారుతి నీవే గణపతి నీవే 2
సర్వ దేవతల నవ్యాకృతి నీవె   " ఎంతెంత "

గణ నాయకం గణేశ్వరం - భజన

గణ నాయకం గణేశ్వరం
సాయి గణ నాయకం గణేశ్వరం
గౌరీ తనయం గజాననం గౌరీ తనయం గజాననం  " గణ "

మూషికవాహన శ్రీ గణనాథం 2
పాషాంకుశధర బాల గజాననం 2
ఆనంద తాండవ నర్తన గణపతిం 2
నర్తన గణపతిం
వినాయకం విఘ్ననాశకం విఘ్నేశ్వరం 2  " గణ "