పంచముఖ సంకట హర మహా గణపతి, ఖైరతాబాద్

 ఖైరతాబాద్ లో దాదాపు 70 అడుగుల ఎత్తులో కొలువుతీరిన పంచముఖ సంకటహర మహాగణపతి పూజలు అందుకోవడానికి సిద్ధమవుతున్నారు. శనివారం సాయంత్రం విగ్రహ ప్రధాన శిల్పి రాజేంద్రన్ భక్తుల కోలాహలం మధ్య వినాయకుడు విగ్రహానికి తుది మెరుగులు దిద్దారు . ఏటా ఉత్సవాలకు 45 రోజులు ముందుగానే విగ్రహాన్ని ప్రదర్శిస్తారు. ఏటా చవితికి రెండు రోజులు ముందు స్వామి  వారి కంటికి తుది మెరుగులు దిద్దడం ఆనవాయితీగా వస్తోంది. 

జూన్ 25న తొలి పూజలు చేయగా, ఆ తర్వాత రెండు మూడు రోజుల్లోనే విగ్రహ ఏర్పాటు పనులు మొదలుపెట్టారు. విగ్రహం పూర్తి చేసేందుకు ఏటా దాదాపు మూడు నెలల వ్యవధి తీసుకుంటారు .ఈ ఏడాది రెండున్నర నెలలోనే విగ్రహం సిద్ధం చేశారు.