హనుమంతుడికి ఎలా నమస్కరించాలి? / HANUMANTHUDIKI YELA NAMASKARINCHAALI?

ఏ దేవతకైనా అర్చనలో భాగంగా భక్తులు సాష్టాంగ నమస్కారం చేయవచ్చు.మహిళలు సాష్టాంగ నమస్కారం చేయరాదని శాస్త్ర నియమం.హనుమంతుడి విషయంలో పురుషులు సాష్టాంగ నమస్కారం చేయకూడదనే నియమం ఏదీ లేదు.అది ఒక విశ్వాసం మాత్రమే.ఆంజనేయుడు అంటే సేవకు ప్రతీక.అనితర సాధ్యమైన ఘనకార్యాలు చేసి కూడారామచంద్రుని పాదసన్నిధిని కోరుకునే సేవా తత్పరుడు.తాను రామదాసుణ్ణని త్రికరణశుద్ధిగా భావించే ఆంజనేయుడు భక్తి అంతా శ్రీరామునికే సమర్పించాలని భావిస్తాడు.ఈ అభిప్రాయంతో ఆంజనేయుడికి సాష్టాంగ నమస్కారం చేయరాదనే నమ్మిక లోకంలో ప్రచారమైంది.ఐతే స్వామి త్రిమూర్తి స్వరూపుడనీ ,రుద్రాంశ సంభూతుడనీ సమ్హితలు చెబుతున్నాయి.ఈ దృష్టితో ఆంజనేయుడికి సాష్టాంగ నమస్కారం చేయవచ్చు.కొందరు హనుమ పాదాల కింద శైనైశ్చరుడు ఉంటాడు కాబట్టి సాష్టాంగం చేయకూడదని అనుకుంటారు,అది సరి కాదు.

నాలుగు మంచి మాటలు

1. సర్వ ప్రాణులలో చైతన్య స్వరూపి అయిన పరమేశ్వరుని దర్శింపుము.

2. నీ భాగ్య రేఖ తొలగిన వేళలో నీకు తోడెవ్వరు రారు.అలాగని బాధ పడవద్దు.నిరంతరం నిన్ను వెంటాడే నీ నీడ నీవే కనుక వెలుగు నుండి చీకటిలోకి వెళ్ళినప్పుడు లేదు కదా.

3. నీకన్నా తక్కువ అదృష్టం గల వారిని చిన్న చూపుతో చూడకు.

4. కళయే దైవ సమానం.

5. యాచకులను నిందించకు.నిజానికి లోకులందరూ యాచకులే.

6. కళను,కళాకారులను దూషించకు.నీవు కళాకారుడవైతే ఇతరులను కళావంతులుగా చేయుటకై యత్నించు.

7. జగమంతయు జగదీశ్వరుని సామ్రాజ్యం.అతడు ఎవరికి ఏ పదవినిచ్చునో ఎవ్వరమెరుగలేము.

8. మత్తు పానీయాలు తాగినవాడు దేహాన్ని మరచిపోతాడు.బ్రహ్మ జ్ఞానాన్ని పొందినవాడు జగత్తునే మరచిపోతాడు.

9.లోభత్వం వీడక మనిషి జ్ఞానం పొందలేడు.

10. మహాత్ములు పరోపకారార్థమై ,లోక కళ్యాణార్థమై అవతరిస్తారు.

11. చంచల చిత్తం సంగీత శ్రవణం ద్వారా ప్రశాంతం నొందగలదు.

12. శ్రమను గుర్తెరుగని యజమానులను సేవింపకు.

13.అపాత్ర దానం మంచిది కాదు.

14. ధనము లేనిదే ఏ పని జరుగదు.కావున ధనం విలువైనది.ధనము విలువను గుర్తెరిగే జ్ఞానము ఇంకా విలువైనది.

15.నీవు పొందుతున్న సౌఖ్యాలు ప్రస్తుతం తరిగిపోతున్న గతములోని పుణ్యపు మూట ,కష్టాలు తరిగిపోతున్న గతములోని నీ పాపపు మూట.

16. కోరకయే ప్రతివారికి భగవంతుడిచ్చే వరం మరణం.

17. ఎంతటి వారైనా దురభిమానం వీడవచ్చు కాని ఆత్మాభిమానాన్ని పూర్తిగా వీడలేరు.

18. విద్య,బల,జాతి,ధన గర్వముతో ఇతరులను వంచించి బాధించకూడదు.

19. అహంకారం నశించే వరకు మనిషి జ్ఞాని కాలేడు.

20. మనిషి ఏది చేసినా జన్మమున్నంతవరకే,త్వరపడి మంచి పనులు చేయండి.పుణ్యాత్ములై శుభఫలితాలనొందండి.మీరు జ్ఞానులై అజ్ఞానులను జ్ఞానులుగా చేయండి.

21. సామ వేద సారమే సంగీతము.

22. జీవ హింస మహా పాతకం.

23.దేహధారి అయిన ప్రతివారికి ఇంచుమించుగా కష్టసుఖాలుంటాయి.

24. మనిషి డబ్బుతో ఎన్నో కొన్నప్పటికి నిమిషమాయువును కూడా కొనలేడు.

25. నిరాకార స్వరూపి అయిన భగవానుని ఉనికి తెలిసికొనుటకు ఏ మూర్తినైనా పూజించవచ్చు.

26. నైరాశ్యము మరియు దురాశ - ఇవి జీవిత లక్షణాలు కావు.

27. భక్తి పేరున అమాయకులను దోచుకునే వారు పాపాత్ములు.

28. అతిథులను శక్తికొలది ఆదరింపుము.

29.ప్రశ్నిచిన వాని ప్రశ్నను బట్టి అతని వివేకము నిర్ధారించవచ్చు.వివేకమైన ప్రశ్న అల్పుడడగలేడు.

30. కళను ఆదరించేవారికన్నా కళను ఆరాధించే వారు చాలా తక్కువగా ఉంటారు.

31.వృద్ధాప్యము మనిషికి భగవంతుడిచ్చే శిక్షలలో చిట్టచివరిది.

ఇవేం టివి సీరియళ్ళయ్యా బాబు - కవిత

ఇవేం టివి సీరియళ్ళయ్యా బాబు
నింపుతున్నాయి నిర్మాతల జేబు,
ప్రదర్శిస్తున్నాయి సీరియల్ అంతా డాబు ,
 నిండి ఉంటున్నాయి పాత్రలన్నీ యెంతో రుబాబు,
ఆలోచిస్తున్నాయి పాత్రలన్నీ ఏమిటని ఈ మతలబు,

చేస్తున్నాయి మనుషుల మనసంతా ఖరాబు,

మారుస్తున్నాయి మనసుని దీపావళి మతాబు,
అవుతున్నాయి మనసులు సదాలోచనల లేమితో గరీబు,
చెడగొడుతున్నాయి దురాలోచనలతో యెందరిదో నసీబు ,
ఎప్పుడిస్తాయో ఈ దుష్ట సీరియళ్ళనుండి విముక్తి అనే ప్రశ్నకు జవాబు
విడిపోతాయి తప్పకుండా దుష్ట సీరియళ్ళ సంకెళ్ళు ,దృష్టిపెడితేనే  తప్పకుండా నవాబు.

జగత్పతే హరి శ్యామ గోపాలా - భజన

జగత్పతే హరి శ్యామ గోపాలా
జగదొద్ధారా జయ నంద లాలా
మధురాధిపతే కృష్ణగోపాలా
మధుర మధురహే గాన విలోలా
జగదోద్ధారా జయనంద లాలా
జయనంద లాలా జై జై గోపాలా 2    " జగత్పతే "

నేనొక కవిని - కవిత

నేనొక కవిని
నిరంతరం జ్వలించే రవిని
సృజనాత్మకతకై తపించే జీవిని
రుచికర లేత చిగురుమావిని
సదా ఆలోచనల ఊట ఊరే ఊటబావిని
రణగొణ ధ్వనుల ప్రపంచంలో వినూత్న శబ్దాలకై రిక్కించి వినే చెవిని
కవిత్వమనే మహా సముద్రంలో చిన్న నీటి బిందువుని
కవిత్వమనే విశాల ఎడారిలో చిరు ఇసుక రేణువుని
విశాల వృక్ష సామ్రాజ్యంలో ఔషధ వృక్షం రావిని
కవిత్వ ప్రపంచంలో బుడి బుడి నడకలు వేస్తున్న బుజ్జాయిని
సకల దేవతలు వసించే దివిని
సకల ప్రాణికోటి వసించే భువిని
నేనొక కవిని

కావ రాగదయ్యా కాశీ విశ్వనాథా - భజన

కావ రాగదయ్యా కాశీ విశ్వనాథా
కాన రాగదయ్యా కన్నీటి ధారా   " కావ "

నీలకంఠ రావా దిక్కు నీవె కావా 3
దేవ దేవ రావా కావా ఓ దేవా   " కావ "

విఠల నేత్ర నాపై కఠినమేలనయ్యా 3
నీలకంఠ నాపై జాలే లేదా   " కావ "

పన్నగేంద్ర భూషా పలుకవేలనయ్యా 3
దేవ దేవ రావా కావా ఓ దేవా  " కావ "

ప్రేమ మీద నీదు నామ భజన చేసే 3
రామచంద్ర బ్రోవ రావా ఓ దేవా   " కావ "

మట్టి తీసావా మట్టి బొమ్మను చేసావా - భజన

మట్టి తీసావా మట్టి బొమ్మను చేసావా
ప్రాణం పోసావా అయ్యప్పా మనిషిని చేసావా  " మట్టి "

తల్లి గర్భమున నన్నూ తొమ్మిది నెలలూ ఉంచావూ
పిమ్మట మమ్ము భువిపై వేసి పువ్వులాగ తుంచేస్తున్నావు   " మట్టి "

కులములోన పుట్టించావూ కూటికి పేదను చేసావూ
కర్మ బంధాల ముడిలో వేసి త్రుటిలోనే తుంచేస్తున్నావు   " మట్టి "

కోటీశ్వరుని చేసావూ కోటలెన్నొ కట్టించావూ
సిరిసంపదలను శిధిలం చేసి కాటిలోనె కలిపేస్తున్నావు  " మట్టి "

హరిహరులకు జన్మించావూ శబరి గిరీపై వెలిశావు
శరణన్న భక్తుల కోర్కెలు తీర్చి శబరీ వాసుడవయ్యావు   " మట్టి "

సరస్సునైదు శిరస్సులున్న చేప ఉన్నదీ - భజన

సరస్సునైదు శిరస్సులున్న చేప ఉన్నదీ
సరసమైన మంచి మడుగు దానికున్నదీ
మర్మమెరిగియున్నదీ మాటలాడుచున్నదీ
మనసారా జలమునందు ఈదుచున్నదీ           "  సరస్సునైదు  "


ఏరు కాదు దీనికెన్నొ దారులున్నవీ
దారులున్న తీరు నీరు పారుతున్నదీ
గమ్మతైన ద్వారమ్ములు తొమ్మిదున్నవీ
నమ్మరాదు నమ్మరాదు మోసమున్నదీ             "  సరస్సునైదు  "


అలలు ఆరు జలమునంత ఊపుచున్నవీ
జలమునంత కలుషితంబు చేయుచున్నవీ
కలవరపడి చేప దిగులు చెందుతున్నదీ
కొలను వీడి పోవాలని ఆశ ఉన్నదీ                       "  సరస్సునైదు  "


మోసకారి చిత్రమైన మొసలి యున్నదీ
చేపతోటి తాను చెలిమి చేయుచున్నదీ
దిక్కు లేని దిశకు దీన్ని తింపుతున్నదీ
అదను చూచి మింగాలని ఆశ ఉన్నదీ                     "  సరస్సునైదు  "


చేప కొరకు జాలరి వల వేసి ఉన్నదీ
వలకు చిక్కరాదని గురువాజ్ఞ ఉన్నదీ
కొలనులోని చేపకేమి తోచకున్నదీ
కవి రాముని హృదయము దిగులొందుచున్నదీ         "  సరస్సునైదు  "

ఆంజనేయా వరములీయా వేగ రావయా - భజన

ఆంజనేయా వరములీయా వేగ రావయా
నీవె దేవా మమ్ము బ్రోచే భక్త మందారా  " ఆంజ "

నీదు మధుర నామము నే ప్రేమతో భజియింతును
నిన్ను కొలిచే భక్త కోటి మొరలు వినవయ్యా కావ రావయ్యా   " ఆంజ "

నిన్ను తలచిన చాలునూ మా చెంతనుండి గాతువూ
భయము లేదు దేవ నీ కరుణ ఉండగనూ మాకు
తోడు ఉండగనూ నీ కరుణ ఉండగనూ  " ఆంజ "

నీదు చల్లని నీడలోన నిండు స్వర్గము ఉన్నదయ్యా
రామ దూత నీవె మాకు దిక్కు నీవయ్యా
మమ్మేల రావయ్యా     " ఆంజ "

నారాయణ్ జప్ నా నిరంతర్ - భజన

నారాయణ్ జప్ నా నిరంతర్
ఇస్ జగత్ మే కోయి న అప్ నా  2
దేఖ్ రహే సప్ నా సప్ నా  2    " నారా "

ఆజ్ ప్రభూ కా ఖేల్ ఖిలో నా  2
మాయా కే రచ్ నా రచ్ నా  2   " నారా "

అంత్ సమయ్ కచ్ సాధన్ ఆవత్  2
చొడ్ సభీ చల్ నా చల్ నా  " నారా "

శివరామాత్మజ్ త్యజ్ అభిమాన్ కో  2
ప్రభు భజన్ కర్ నా కర్ నా
హరి భజన్ కర్ నా కర్ నా        " నారా "

నమ్మబోకే ఓ జీవా ఇది అంతా మాయా బొమ్మలాటా - భజన

నమ్మబోకే ఓ జీవా ఇది అంతా మాయా బొమ్మలాటా 2
కొన్ని దినములకొరకూ నీకెందుకింత ఉరుకులాటా " నమ్మ "

కొత్త వస్త్రమైతెనేమీ పాత వస్త్రమైతెనేమీ
కట్టు భ్రమ తీరే దాకా ఇది కర్మ భోగ ఫలమంటా " నమ్మ "

తల్లి దండ్రులంతావూ ఇల్లూ వాకిలంటావూ
తల్లి రాదు ఇల్లు రాదూ నీవు తరలిపోయే నాడు వెంటా  " నమ్మ "

అన్నదమ్ములంటావూ అక్కా చెల్లెళ్ళంటావూ
అన్న రాడు అక్కా రాదూ నీవు వెడలిపోయే నాడు వెంటా " నమ్మ "

కొడుకులున్నా బిడ్డలున్నా కోటి సంపద కలిగి యున్నా
కంటికి కన్నీరే కానీ ఎవరూ రారు నీ వెంటా  " నమ్మ "

నడి రోడ్డుపై - కవిత

నడి రోడ్డుపై నాటు ఆయుధాలతో చెట్లను నరికినట్లు మనుషులను నరుకుతుంటే ఆపాల్సింది పోయి
అదేదో నయనానందకరమైన షో జరుగుతున్నట్లు నయా నయా ఫోనులతో నానా రకాలుగా వీడియోలు తీయడం ఏం సోయి
పరిస్థితులు ఏ క్షణమైనా తారుమారు అవుతాయనే ఇంగిత జ్ఞానం పోయి
మనుషులు తీస్తున్నారు వీడియోలు ,షేర్ చేస్తున్నారు వీడియోలు మతి చెడిపోయి
కఠినమైన చట్టాలు చేస్తేనే,కఠిన చర్యలు చేపడితేనే పూర్వపు చైతన్యం వస్తుంది ఈ దారుణమైన రోగం పోయి

ఓటు - వెల్లడించును ప్రజల మనసులోని తిరుగుబాటు - కవిత

ఓటు - వెల్లడించును ప్రజల మనసులోని తిరుగుబాటు
ఓటు - నేతల బరువును తూచే తూకపు బాటు
ఓటు - నాయకులకు తెప్పించును తీవ్ర తలపోటు
ఆదమరిచి వ్యవహరిస్తే వేయును వేటు
ఓటు - పౌరుల చేతిలోని క్రికెట్ బ్యాటు
బాగా ఆడితే తెరువును సిక్సర్లకు బార్లా గేటు
కల్పించును విజేతల జాబితాలో చోటు
ఓటు - గుంటూరు మిర్చికంటే ఘాటు
సరిగా వాడితే అది అందించే రుచి ఎంతో గ్రేటు
ఓటు - ఎంతో మందిని చేయిస్తుంది సర్కస్ ఫీటు
ఒకే ఓటు మార్చివేయును ఎంతో మంది ఫేటు
ప్రతి పౌరుడు విధిగా తెలుసుకోవాలి ఎంతో విలువైనదని తన ఓటు
అలా తెలుసుకుని మెదులుకుంటేనే నిజంగా మీరు గ్రేటు.
ఓటు - మనందరికీ కల్పిస్తుంది అద్భుతమైన వెసులుబాటు
ఈ విషయమై ప్రతి ఒక్కరూ అలోచించాలి కొద్ది సమయం పాటు
అప్పుడే ఉండవచ్చు నిశ్చింతగా ఐదు సంవత్సరాల పాటు

ఈ జగమేలు జనని ఓ యమ్మా - భజన

ఈ జగమేలు జనని ఓ యమ్మా
మా బ్రతుకు బాట నీవమ్మా
కరమందు వీణ దాల్చావే
కమలంబులోన వెలిచావె     " ఈ జగ "

మా హృదయ కమల కుసుమం
నీ చరణాల పాదపీఠం
నీ నామ మధుర గానాలే
నిలిచేను ఇలలొ మా కొరకే   " ఈ జగ "

సంగీత కళల జనని
సర్వ లోకాలు బ్రోచె వాణీ
వేదాల వెలుగు నీ చలవే
వెలిసావు ఇలలొ మా కొరకే   " ఈ జగ "

కవులైన పండితులకు
తల్లి నీవేలె వారి బ్రతుకూ
ముక్కోటి దేవతా లోకం
మ్రొక్కేను ముదముతో నిత్యం   " ఈ జగ "

తెల్లారినదీ లేరా స్వామీ పూజకు పూవులు పూచినవీ - భజన

తెల్లారినదీ లేరా స్వామీ పూజకు పూవులు పూచినవీ
సన్న జాజులూ బంతి పువ్వులూ వెంకటరమణని కొలచినవీ  " తెల్లా "

గొల్లలు పిల్లలు తలుపులు తెరువగ కర్పూర హారతి ఇచ్చెనులే
పరిమళాలు పంచామృతములతో చక్కటి స్నానము చేయరే   " తెల్లా "

మంగళ హారతి గైకొనుమా మా మానస మంగళ హారతీ
కర్పూర హారతి వెలుగులె నీకు ముత్యాల మంగళ హారతీ   " తెల్లా "

వెండి కొండపై నిండు మనసుతో కోయిల నీకై పాడెనులే
త్యాగయ్య గీతిక పదములె నీకూ ముత్యాల మంగళ హారతీ  " తెల్లా "

ఆనంద సాగరా మురళీధరా - భజన

ఆనంద సాగరా మురళీధరా
మీరా ప్రభో రాధేశ్యామ వేణుగోపాలా

నంద యశోదా ఆనంద కిశోరా
జై జై  గోకుల బాలా జై వేణు గోపాలా                               " ఆనంద "

వెన్న దొంగయా మా చిన్ని క్రిష్ణయా
జై జై గోకుల బాలా జై వేణు గోపాలా                                " ఆనంద "

కౌసల్యా సుప్రజా రామచంద్రా
సీతా మనోహర రాఘవేంద్రా                                          " ఆనంద "

కామాక్షి సుప్రజా స్వామి అయ్యప్పా
భక్తా మనోహర స్వామి అయ్యప్పా                                 " ఆనంద "

దీన దయాళో పరిపూర్ణ కృపాలో
జై జై శంకర బాలా జై స్వామి అయ్యప్పా                         " ఆనంద "

పంబా వాస పందల రాజా స్వామి అయ్యప్పా
గౌరీపుత్ర గోకుల రూపా స్వామి అయ్యప్పా
శంభో శంకర శంభో శంకర స్వామి అయ్యప్పా
హరోం హరా హరోం హరా స్వామి అయ్యప్పా                  " కామాక్షి "

అడుగడుగునా పొంచి ఉంది ప్రమాదం అతివలకు నేడు - కవిత

అడుగడుగునా పొంచి ఉంది ప్రమాదం అతివలకు నేడు
ఇంట్లో నుండే సాగించాల్సివస్తోంది పోరాటం ఇంతులకు నేడు
అబలలు కాకూడదు బేలలు ఏనాడు,కావాలి అతిబలవంతులు నేడు
ఖాళీ చేతులతోనే కామాంధుల కావరమణచగలగాలి కాంతలు నేడు
అందుకు ఆత్మ రక్షణ విద్యలు నేర్వాలి అత్యవసరంగా అతివలు నేడు
మానాభిమానాలు కాపాడుకోవాలి మార్షల్ ఆర్ట్స్ తో మహిళలు నేడు
భద్రత భరోసా పొందాలి బ్లాక్ బెల్ట్ లాంటి విద్యలతో బాలికలు నేడు
ఒడుపుగా ఒక్క గుద్దుతోనే ఓటమిని జయించగలగాలి ఒంటరి మహిళలు నేడు
కరుణ ,జాలితో పాటు కాఠిన్యం కూడా నేర్వాలి కన్నె పిల్లలు నేడు
అల్లరి వెధవలకు బుద్ధి చెప్పాలి కాళ్ళూ చేతులే ఆయుధాలుగా చేసి అమ్మాయిలు నేడు
బాక్సింగ్ ,కరాటే లాంటి విద్యలు నేర్వాలి పాఠశాల బాలికలు,సాఫ్ట్ వేర్ ఉద్యోగినులు నేడు
తైక్వాండో లాంటి తన్నుడు విద్యలు తప్పకుండా నేర్వాలి తరుణిలు నేడు
గుర్తెరగాలి పార్వతి లేనిదే శివుడికి ఏనాడు శక్తి లేదని నేడు
స్మరించుకొని సదా సత్యభామను ,ఎదుర్కోవాలి సమస్యను సమర్థంగా నేడు

శ్రీ గణరాయా జయ గణరాయా - భజన

శ్రీ గణరాయా జయ గణరాయా
శ్రీ గణరాయా జయ గణరాయా గణపతి బప్పా మోరియా గనపతి బప్పా మోరియా

సిద్ధి వినాయక మంగళదాతా
సిద్ధి వినాయక అష్ట వినాయక గణపతి బప్పా మోరియా గణపతి బప్పా మోరియా

                                       "   శ్రీ గణరాయా "

సింధూర వదనా మంగళ చరణా
సింధూర వదనా సుందర వదనా గణపతి బప్పా మోరియా గణపతి బప్పా మోరియా              
                             
                                        " శ్రీ గణరాయా "

మూషిక వాహన మునిజన పాలనా
మూషిక వాహన మునిజన పాలన గణపతి బప్పా మోరియా గణపతి బప్పా మోరియా

                                        "  శ్రీ గణరాయా "

ఏమేమౌనో ఏమెరుక - భజన

ఏమేమౌనో ఏమెరుక
ఎటు పోతుందో ఈ నౌక
కావాలన్నది జరిగేనా
కాగలనున్నది ఆగేనా
ఏ ఈతి బాధలు ఎదురైనా
జీవన పయనం ఆగేనా   " ఏమేమౌనో "

గమనం చేసే ఈ నౌక
గమ్యం ఏదొ ఏమెరుక
ఇతరుల జూచి ఏడ్చేము
అతుకుల బ్రతుకును గడిపేము
ఇహ సౌఖ్యముకే మురిసేము
వెతలెదురైతే వగచేము     " ఏమేమౌనో "

ఊహలకందని వాడొకడు ఉన్నాడా జగదీశ్వరుడూ
ఊహలు చెదిరిన రాముడితో ఆహా శివలీలన్నాడు   " ఏమే "

కాలం చెల్లినది ఏదైనా ,వాహనమైనా,రహదారైనా - కవిత

కాలం చెల్లినది ఏదైనా ,వాహనమైనా,రహదారైనా
గుర్తించాలి మనకు నూకలు చెల్లిస్తుందని ఏనాటికైనా
తక్షణమే కళ్ళు తెరవాలి మనం ఇకనైనా
కాలం చెల్లిన వాటికి నూకలు చెల్లించాలి కాస్త కష్టమైనా
రెండో మాటకు తావివ్వొద్దు కలలోనైనా
లేకపొతే సమవర్తి చూపడు పక్షపాతం ,కనికరం లేశమైనా
నిర్దాక్ష్యంగా తీసేస్తాడు మన ప్రాణాలు  యే చోటనైనా, ఆలస్యం చేయకుండా నిమిషమైనా
నాణ్యత లేని వాహనాలు,రోడ్లపట్ల చర్యలు తీస్కోవాలి పట్టుదలగా ఆరునూరైనా
లేకపోతే మన ప్రాణాలు కలుస్తాయి గాలిలో యే క్షణమైనా
మన ఉదాసీన వైఖరి దారి తీయును ప్రమాదానికి యే రోజుకైనా
అసలు నూకలు చెల్లించాల్సింది దీనికేనని గుర్తించాలి ఎవరైనా
నిరంతర ప్రయత్నం జరుగుతూనే ఉండాలి జీవిత నిపుణత సాధించుటకై వీసమెత్తైనా
అపుడే నిజమైన అభివృద్ధి కలుగుతుంది నిదానంగానైనా

జయము జయము జగదాంబ - భజన

జయము జయము జగదాంబ
జయము నీకు భ్రమరాంబ  2
నీకు కోటి దండాలమ్మా ఓ లలితాంబ 2    " జయము "

అమ్మలకు అమ్మవమ్మ జగత్కల్పవల్లివమ్మ 2
ముగ్గురమ్మల మూలపుటమ్మా ఓ లలితాంబ 2   " జయము "

బాసరలో వాణివమ్మ బెజవాడలొ దుర్గవమ్మ 2
కలకత్తా కాళిమాతవూ మా యమ్మ నీవు 2
ఉజ్జయినీ మహంకాళివీ మా యమ్మ నీవు 2
కామారెడ్డి లలితాంబవూ మా యమ్మ నీవు 2    " జయము "

కంచిలోన కామాక్షి మధురలోన మీనాక్షి 2
కాశీలోన విశాలాక్షివీ మా యమ్మ నీవు 2
కాశీలో అన్నపూర్ణవూ మా యమ్మ నీవు 2
కామారెడ్డి లలితాంబవూ మా యమ్మ నీవూ 2    " జయము "

రాజరాజేశ్వరివీ అంబ పరమేశ్వరివీ 2
మహిషాసుర మర్ధినివమ్మా ఓ లలితాంబ 2     " జయము "

తొలి పూజ నీదేలె విఘ్నేశ్వరా - భజన

తొలి పూజ నీదేలె విఘ్నేశ్వరా
ఓ బొజ్జ గణనాథ దీవించరా 2
ఓ...గణనాథా...ఓ... గౌరిపుత్రా   " తొలి "

ఇంతింత కాదయ్య నీ సేవలు
గణమైన పూజలు నీకోసము
పార్వతి నందన లంబోదరా
పావన రూపా విఘ్నేశ్వరా
ఓ...గణనాథా...ఓ... గౌరిపుత్రా    " తొలి "

కోటొక్క దండాలు గణనాథుడా
నీకు పాద నమస్తే లంబోదరా
పసివారి నవ్వులు నీ నవ్వులు
చిన్ని చిన్ని పలుకులు నీ మాటలు
ఓ...గణనాథా...ఓ... గౌరిపుత్రా    " తొలి "

నీకన్న మాకింక ఎవరున్నరు
నీవే కదా మాకు తొలి దైవము
కుడుములు ఉండ్రాళ్ళు నీ కోసమే
మా హృదయ హారతి నీకిత్తుము
ఓ...గణనాథా...ఓ... గౌరిపుత్రా    " తొలి "

మధురము హరినామం - భజన

మధురము హరినామం
హరినామ భజనే పరమానందం 2

అనంతశయనానందం
మన్మోహన దివ్యస్వరూపం 2
కాశీ రమణా పద్మనాభం
భజియించగనే జన్మ ధన్యం     " మధు "

చెడుసాంగత్యము విడువూ
నీ గురు పాదాలను కొలువూ 2
అపుడే నీ జన్మకర్థం 2
శ్రీ సత్యసేవయె పరమానందం    " మధు "

స్థిరముగ ఏదీ కాదూ
నీవు కొనిపొయెదేమీ లేదూ 2
మాయా బంధాలను విడువు 2
దొరుకునయా హరి దర్శనంబు       " మధు "

నటరాజ గంగాధరా - భజన

నటరాజ గంగాధరా
హే జటధారి గంగాధరా 2

అట జూడ నీవే ఇట జూడ నీవే
ఎటు జూసినా నీవే  2
ఘటమందు నీవే మఠమందు నీవే
విఠలాక్ష జగమంత నీవే కదా   " నటరాజ "

హే నాగభరణా నీ నామస్మరణా
నే మానలేదయ్యా  2
నానావిధంబుల గానంబు జేతూ
దీనావనా జాలి చూపించవా         " నటరాజ  "

కలవారలెన్నో కానుకలనిచ్చీ
కొలిచేరు ఓ దేవా 2
ఫలపత్రమైనా తేలేని నేనూ 2
పిలిచేను నా పిలుపు ఆలకించవా     " నటరాజ "

భువనేశ సకలా భూతేశ్వరా
హే భవబంధ పరిహారా 2
శివచంద్రశేఖర భవదీయదాసూ
కవి రామచంద్రుణ్ణి కాపాడవా       " నటరాజ "

నాటినావు పూదోటను నీవే - భజన

నాటినావు పూదోటను నీవే
తోటలోన ప్రతి చోటను నీవే  2

మొక్కలు కొన్ని వృక్షములాయె
వాడిన తీగలు మోడులు ఆయె
నీటితోనె ఈ తోట పెరుగగా
తోటమాలి ఈ లోటు ఎరుగడా     " నాటినావు "

పూలూ కాయలు ఊయలలూగే
గాలికి పూలు నేలకు రాలే 2
పూలు రాల పూ బాలలు నవ్వే 2
కాలగతిని వనమాలి తెలియడా    " నాటినావు "

పూవులు కొన్నీ పూజలకేగే
ప్రాప్తము లేనివీ పాడైపోయే 2
ఋణము దీరెనా ఏ జీవికైనా  2
తనువులు వదిలి తరలిపోవునులే    " నాటినావు "

చంద్రధరుని సేవించేటి
రామచంద్రుడు శ్రీ గురువాయే
వాడిన తీగై వనములనుండే
నీడ జూసి కాపాడగ రావే     " నాటినావు "

అరుణ కిరణా తిమిర హరణా - భజన

అరుణ కిరణా తిమిర హరణా
శ్రీ సూర్య నారాయణా 2

స్వప్రకాశమున విశ్వవీధిలో
వెలుగులు నింపే దేవుడవయ్యా 2
తారల తళుకులు జాబిలి వెలుగులు 2
నింగిని దోచే నీ కాంతులేగా             " అరుణ "

ప్రాత: కాలపు ప్రణతులతో
ప్రార్థించెదము భాస్కరా 2
ఆయురారోగ్యముల మము దీవించే 2
దైవము నీవని తెలిసితినీ               " అరుణ "

ఘోరాగ్ని కీలల రగిలిపోతూ
జగతికి వెలుగిచ్చు త్యాగమయా 2
జ్యోతిగ వెలిగే నీ దివ్య తేజము 2
మదిలో నిలిపీ ధ్యానింతుమూ            " అరుణ "

సాయి భవానీ సాయి భవానీ సాయి భవానీ మా - భజన

సాయి భవానీ సాయి భవానీ సాయి భవానీ మా 2
శంకరీ అభయంకరీ సాయి భవానీ మా

దుర్గాలక్ష్మీ సరస్వతీ
జై సాయి భవానీ మా
గాయత్రీ ప్రియ గౌరి మహేశ్వరి
సాయి భవానీ మా        " సాయి "

జయ కాశీ విశ్వనాథా మము కాపాడు ఓ జగన్నాథా - భజన

జయ కాశీ విశ్వనాథా మము కాపాడు ఓ జగన్నాథా 2
పరమదయాళో భోళా శంకర్ 2            " జయ "

నందివాహనా నాగాభూషణ 2
గంగాజటధరా గౌరిమనోహర  2      " జయ "

దుష్ట శిక్షణా శిష్ట రక్షణా 2
నీలకంఠాధరా నిముషము మరువరా    " జయ "

ఎర్రా ఎర్రాని గాజులే వేసుకొని - భజన

ఎర్రా ఎర్రాని గాజులే వేసుకొని
పచ్చా పచ్చాని రైకలే కట్టుకొని
బంగారు వన్నె గల పట్టుచీర కట్టుకొని
బెజవాడ కొండ దిగి పులి మీద వచ్చిందీ
అమ్మా తల్లీ 2 3 దిగివచ్చిందీ
కనకదుర్గా కదిలొచ్చిందీ 2   ' ఎర్రా "

ఘల్లు ఘల్లు మంటు గజ్జెలే కట్టుకొని 2
ఘల్లు ఘల్లుమంటు అమ్మా దిగి వచ్చింది 2
చేతిలోన శూలముతో అమ్మ దిగివచ్చింది
బెజవాడ కొండ దిగి పులి మీద వచ్చిందీ
అమ్మా తల్లీ 2 3 దిగివచ్చిందీ
కనకదుర్గా కదిలొచ్చిందీ 2   " ఎర్రా '

ముఖమంతా పసుపుతో ఎర్రాని బొట్టుతో 2
కాళ్ళకు పారాణి రాసి ముద్దుగ మువ్వలు గట్టి  2
వేల వేల తేజస్సుతొ వేప మండలే బట్టి
బెజవాడ కొండ దిగి పులి మీద వచ్చిందీ
అమ్మా తల్లీ 2 3 దిగివచ్చిందీ
కనకదుర్గా కదిలొచ్చిందీ 2   " ఎర్రా '

నిను చూడక నేనుండగలనా - భజన

నిను చూడక నేనుండగలనా
నీ కొండకు రాకుండగలనా
ఈ దేహం నీదు ప్రసాదం
నా ప్రాణం నీ ఉపకారం 2

మనసున్నది నీ ధ్యాసలోనే
తనువున్నది నీ సేవలోనే
ప్రతి నొటా నీ శరణ గానం
నా నోటే నీ మధుర గానం 2    " నిను "

ఆ బ్రహ్మకు నే ఋణపడనా
రాత రాశాడు నిను చూడగా
కనిపించే దైవాలు తల్లిదండ్రులే
జన్మనిచ్చారు ఏనాటి వరమో 2    " నిను "

ఈ ఇహమందు ఏ దుష్ట కోరికలు
ఇక రాకుండ నువు చూడవా
ఈ జన్మంత  సేవింతునయ్యా
ఇక మరుజన్మ నాకివ్వకయ్యా 2   " నిను "

పవిత్ర ప్రదేశమైనా,పని చేసే ప్రదేశమైనా,పడక గదియైనా - కవిత

పవిత్ర ప్రదేశమైనా,పని చేసే ప్రదేశమైనా,పడక గదియైనా
పల్లెటూరైనా,పట్టణమైనా ,పరాయి దేశమైనా,ప్రాంతమేదైనా
ప్రయాణించే బస్ ఐనా,రైలూ ఐనా,విమానమైనా
కాదేదీ అనర్హం అన్నట్టు ,పల్లె పడుచు నుండి ,పట్టణపు పడతి వరకు
పసిపాప నుండి పండుటాకు వరకు పడతి పడుతోంది పలు కష్టాలు
పాపుల పాలబడి పలు ఏండ్ల నుండి పన్ను బిగబట్టి
పట్టువదలకుండా పలుమార్లు పళ్లూడిపోయేలా దాడులు చేస్తేనే
పాపుల పాపం పండుతుంది,పరిష్కారం లభించి ఫలితం కనబడుతుంది
స్త్రీ గౌరవింపబడిన చోటనే దేవతలు నివాసముంటారు అనే శాస్త్ర వాక్యం
అందరూ సదా గుర్తుంచుకోవాల్సిన ఆప్తవాక్యం
ఆడపిల్లలు అదురు బెదురు లేని బెబ్బులులై గర్జించాలి
అతివలు ఆత్మవిశ్వాసం,అధ్యాత్మిక విశ్వాసాలతో
అణచివేయాలి అక్రమార్కుల ఆగడాలు
కన్నెలు కన్నెర్ర చేసి కండకావరం పట్టిన కనికరం లేని మనుషులను
చేయాలి కనబడకుండా ,కనుచూపుమేరలో లేకుండా
అతివలు ఆత్మరక్షణ విద్యలు నేర్చి అతిక్రమించాలి అవమానాలు
పడుచులు పట్టుదలతో పోరాడి వెలుగొందాలి పట్టపురాణులై
ధైర్యే సాహసే లక్ష్మీ , ధైర్యే సాహసే రక్ష రక్ష...

అచ్యుతం కేశవం క్రిష్ణ దామోదరం - భజన

అచ్యుతం కేశవం క్రిష్ణ దామోదరం
రామ నారాయణం జానకీ వల్లభం 2

కౌను కెహతే హై భగవాను ఆతే నహీ
తుం మీరాకె జైసే బులాతే నహీ  " అచ్యు "

కౌను కెహతే హై భగవాను ఖాతే నహీ
బేరి శబరీకె జైసే ఖిలాతే నహీ     " అచ్యు "

కౌను కెహతే హై భగవాను సోతే నహీ
మా యశొదాకె జైసే సులాతే నహీ   " అచ్యు "

కౌను కెహతే హై భగవాను నాచ్తే నహీ
గోపియోంకీ తరాహ్ తుం నచాతే నహీ   " అచ్యు "

నాము జప్ తే చలో కాము కర్ తే చలో
హర్ సమయ్ క్రిష్ణ్ కా ధ్యాన్ కర్ తే చలో   " అచ్యు "

యాద్ ఆయేగి ఉన్ కో కభీ నా కభీ
క్రిష్ణ దర్శన్ తొ దేంగే కభీ నా కభీ    " అచ్యు "

దోసిట గులాబి పువ్వులతో నీ వాకిట నిలబడి ఉన్నామయ్యా - భజన

దోసిట గులాబి పువ్వులతో నీ వాకిట నిలబడి ఉన్నామయ్యా
సాయి బాబా నీ వాకిట నిలబడి ఉన్నామయ్యా

కఫ్ని వస్త్రము ధరియించీ కర్మలు జోలెలొ వేసుకొనీ
ధునిలో కాల్చే వాడవనీ బాబా 2
నీ వాకిట నిలబడి ఉన్నామయ్యా 2    " దోసిట "

తెల్లనీ నీ పాదమూ చల్లనైనా నీదు మనసూ
పిలిచిన పలికే వాడవనీ బాబా 2
నీ వాకిట నిలబడి ఉన్నామయ్యా 2     " దోసిట "

కాలు మీదా కాలు వేసి కర్మలన్నీ కాలరాసీ
కరుణ జూపే వాడవనీ బాబా 2
నీ వాకిట నిలబడి ఉన్నామయ్యా 2      " దోసిట "

చెప్పుడు మాటలు చేటు ...- కవిత

చెప్పుడు మాటలు చేటు ...
మనసులో విషబీజాలు నాటు...
వింటే తప్పదు మనకు అగచాటు...
భజనపరుల మాటలు భంగపాటుకు చోటు...
కలిగించును మనకు వెన్నుపోటు...
సదా అప్రమత్తతకు కల్పించు చోటు ...
తప్పించును మనకు గ్రహపాటు ...
నిజాయితీకి వేయు పెద్ద సీటు...
అది నిన్ను కాపాడును పది కాలాల పాటు...

నాణ్యత...ఒక చిన్న పదం,పాటిస్తే ప్రమోదం లేకుంటే ప్రమాదం - కవిత

నాణ్యత...ఒక చిన్న పదం,పాటిస్తే ప్రమోదం లేకుంటే ప్రమాదం...
హెల్మెట్ ... ఒక చిన్న పదం, ధరిస్తే ప్రమోదం లేకుంటే ప్రమాదం...
అణువు...  ఒక చిన్నపదం,అనువుగా వడుకుంటే ప్రమోదం లేకుంటే సృష్టించును పెను ప్రమాదం...
బతుకు...ఒక చిన్న పదం,సక్రమంగా సాగిస్తే ప్రమోదం లేకుంటే ప్రమాదం...
బలం ...ఒక చిన్న పదం,కల్గించును ప్రమాదం లో ప్రమోదం,ప్రమోదం లో ప్రమాదం...
ప్రాణం...ఒక చిన్న పదం,తనువులో ఉంటే ప్రమోదం లేకుంటే ప్రమాదం...
విలువ...ఒక చిన్న పదం ,పెంచుకుంటే ప్రమోదం,తగ్గించుకుంటే ప్రమాదం...
శిక్షణ...ఒక చిన్న పదం, పొందితే తప్పించును పెను ప్రమాదం,కలిగించును ప్రమోదం...
వైఖరి...ఒక చిన్న పదం...సానుకూలమైతే ప్రమోదం,ప్రతికూలమైతే ప్రమాదం...

'అతి సర్వత్ర వర్జయేత్... - కవిత

'అతి సర్వత్ర వర్జయేత్...
అత్యాశ ఎల్లవేళలా కలిగించును నిరాశ...
అతి నష్టం కలిగించును మనసుకు ఎంతో కష్టం...
అతి లాభం కలిగించును ఎంతో గాభరా...
అతి వాగుడు  ఆడిస్తుంది ఎంతటివారినైనా చెడుగుడు...
అతి వినయం కలిగించును వినాశనం...
అతి ప్రేమ కలిగించును తప్పకుండా చెడుపు...
అతి వృష్టి చెల్లా చెదురు చేయును ఈ సృష్టిని...
అతి ఒత్తిడి చేయును జీవితాన్ని చిత్తడి చిత్తడి...
అతి క్రమశిక్షణ చేయును తనువు మనువుల భక్షణ...
అతివ్యామోహం కల్గించును తప్పకుండా అవమానం...

గల గలా పారే గంగమ్మ తల్లి.. - కవిత

గల గలా పారే గంగమ్మ తల్లి...
కురిపించు మా పై విరివిగా వరాల జల్లు ...
కళకళలాడించు మా పైరులను పచ్చదనంతో..
తరిమికొట్టు కరువు అనే రాక్షస బల్లి...
విరబూయించు మా మోములపై చిరునవ్వుల జాజిమల్లి...
భోళా శంకరుడి తలపై ధవళ వర్ణంతో నిర్మలంగా ఒదిగిన ఓ తల్లీ
ప్రణమిల్లుతాము నీ ముందు ముకుళిత హస్తాలతో మోకరిల్లి ...
సదా ప్రసరించు నీ చల్లని చూపు పండు వెన్నెల జాబిల్లి...
అమ్మా గంగమ్మ తల్లి...

నమో శారద నమో శారద నమో శారదా మాతా - భజన

నమో శారద నమో శారద నమో శారదా మాతా 2

హే విద్యా బుద్ధి ప్రదాయిణీ మా వీణా పుస్తక ధారిణీ 2
భవ భంజని మనో రంజని సత్య సాయీశ్వరీ మాతా  " నమో"

సాయిరాం సాయిశ్యాం - భజన

సాయిరాం సాయిశ్యాం
నిన్ను చూడాలి ఒకసారి నిన్ను చూడాలి ఒకసారి 2

భక్తులకొరకూ షిర్డీ పురమున వెలసితివోయీ సాయి బాబా
నిన్నే నేనూ నమ్మితి సాయీ
నను కాపాడగ రావా   " సాయిరాం "

నీ నగు మోమూ చూచిన చాలూ
నీకు సాటీ ఎవ్వరు లేరు
సాయి సాయి షిర్డి సాయి
దర్శనమీయగ రావా   " సాయిరాం "

నిన్నే వేడితి నా మొర వినవా
నీవు గాక మాకెవరయ్యా
బాబా బాబా సాయి బాబా
పరుగు పరుగున రావా  " సాయిరాం "

హర హర మహదేవా - భజన

హర హర మహదేవా
నీరాజనమిదె గైకొను దేవా హర హర మహ దేవా 2

గంగా జలముల తోనూ దధిక్షీర ఘృతమ్ములతోనూ
అభిషేకములే చేసెదమయ్యా     " హర "

బిల్వా పత్రముతోనూ
కాశీ గన్నేరులతోనూ
అర్చనలే నీకు చేసెదమయ్యా   " హర "

రంభా ఫలములతోనూ
నెయ్యి పాయసముతోనూ
నైవేద్యములే ఒసగెదమయ్యా
ఆరగించి మము బ్రోవుమయ్యా   " హర "

దివి కైలాసములోనా
వెలసిన ఓ మహదేవా
భువిలో నీ దాసులనూ
ఆదరించి దరి చేర్చుకోవా   " హర "

ఓ....కైలాస హిమగిరి శంకరా - భజన

ఓ....కైలాస హిమగిరి శంకరా
కరుణించవేమయా
మనసార మోము చూపించవా...2

నీలకంఠా నిను చూడగోరి
నిరతమూ నిను ప్రార్థింతురా
జగతినేలా జాగేల దేవా
జ్యోతులివిగో జగమేలయా
కరుణించవేమయా
మనసార మోము చూపించవా   " ఓ "

మనసు నిలిపిన మహనీయులెందరో
జన్మ సద్గతి సాధించిరీ
కానరాని కలిమాయలోనా
గమ్యమెరుగక పడిపోతినీ
కరుణించవేమయా
మనసార మోము చూపించవా  " ఓ "

చంద్రమౌళీ చితభస్మధారీ
చంద్రకిరణాల తేజోవిహారీ
దండమోయీ ఓ లింగరూపా
అండ నీవే భూతాధిపా
కరుణించవేమయా
మనసార మోము చూపించవా  " ఓ "

నిరంతర విద్యుత్ లభించిందని ఆనందించాలో - కవిత

నిరంతర విద్యుత్ లభించిందని ఆనందించాలో
అజాగ్రత్త,నిర్లక్ష్యం తో విద్యుత్ షాక్ తో ప్రాణాలు పోతున్నయని బాధపడాలో
అర్థం కావడం లేదు
విద్యుత్ శాఖ ప్రచార తీవ్రత పెరగాలో,వ్యవసాయ శాఖ ప్రచార తీవ్రత పెరగాలో,స్వీయ అవగాహన పెరగాలో
అర్థం కావడం లేదు
కాలం కలిసి రాక ,పంట నష్టపోయి కొందరు చనిపోతుంటే
అన్నీ బాగుండి ,చిరు జాగ్రత్తలు తీసుకోకుండా ,విద్యుత్ షాక్ తో చనిపోవడం ఏమిటో
అర్థం కావడం లేదు
వార్తా పత్రికలు చదువుతూ,ఇతరుల అనుభవాల నుండి గుణపాఠం ఎపుడు నేర్చుకుంటామో
అర్థం కావడం లేదు
ఇంకెంత కాలం ఈ ఏమరుపాటు చర్యలు కొనసాగి విలువైన ప్రాణాలు కోల్పోతాయో
అర్థం కావడం లేదు
కాంక్రీట్ పని చేసే కార్మికులు సైతం కాళ్ళకు,చేతులకు రక్షణ తొడుగులు ధరించి పనులు చేస్తున్న ఈ కాలంలో
నీరు నిప్పు విద్యుత్ లతో చెలగాటం ప్రమాదకరమని తెలిసీ
కనీస రక్షణ చర్యలు చేపట్టకుండా కరెంట్ షాక్ కు బలైపోవడం ఏంటో
అర్థం కావడం లేదు
నీ పని నువ్వు చెయ్ ,ఫలితం నాకొదిలెయ్ అన్న శ్రీకృష్ణుడి కర్మ సిద్ధాంతాన్ని
సక్రమంగా ఎపుడు పాటిస్తామో అర్థం కావడం లేదు
ఇకనైనా చైతన్యం తెచ్చుకొని చిరు,తగు జాగ్రత్తలు తీసుకుని ,ప్రాణాల విలువ తెలుసుకొని కాపాడుకుంటారో లేదో
అర్థం కావడం లేదు
ఆ భగవంతుడి దయ ఎపుడు కలుగుతుందో
ఈ దుస్సంఘటనలు ఎపుడు ఆగిపోతాయో
అర్థం కావడం లేదు

తలకు తప్పకుండా ధరించండి హెల్మెట్/శిరస్త్రాణం... - కవిత

తలకు తప్పకుండా ధరించండి హెల్మెట్/శిరస్త్రాణం...
లేకుంటే వినాల్సివస్తుంది మృత్యుగానం...
అవుతుంది నెత్తుటితో స్నానం...
రహదారులు ,వాహనాలకు వుండదు ప్రాణం...
అవి తప్పించలేవు జరిగే దారుణం...
అత్యంత విలువైనది మీ ప్రాణం...
మీ కుటుంబసభ్యులకు మీరంటే ఎంతో ప్రాణం...
చేయాలి మీరు జీవితంలో ఎంతో ప్రయాణం...
అందుకై నేడే చేయండి ప్రమాణం...
ధరిస్తామని తలకు శిరస్త్రాణం...

ఆత్మహత్యలు వద్దు...- కవిత

ఆత్మహత్యలు వద్దు...
జీవితమెంతో ముద్దు...
కృషితో నాస్తి దుర్భిక్షం అనడం కద్దు...
పల్లె ఐనా పట్టణమైనా పరాయి దేశమైనా పనిచేసుకునేవారికి ఆకాశమే హద్దు...
మహనీయుల మాటలు మరువ వద్దు...
సత్సాంగత్యం సద్గ్రంధ పఠనం కలిగించును లాభాల పద్దు...
సమీపానే ఉంది విజయపు సరిహద్దు...
పదే పదే ప్రయత్నించడం మానవద్దు...
తప్పకుండా ఉదయిస్తుంది తొలి పొద్దు...
ఆత్మహత్యా ఆలోచనలు అసలే వద్దు...
గమనించు కర్షక కార్మిక తాడిత పీడిత మిత్రమా ...
ఆత్మహత్యలు వద్దు...

చిరుజల్లులే జడివానగా మారి కురిపించును భారీ వర్షం...- కవిత

చిరుజల్లులే జడివానగా మారి కురిపించును భారీ వర్షం...
చిన్నవాడైనా అగును పెద్ద మనసున్నవాడుగా...
చిట్టెలుకయే ఆపదలో కాపాడెను మృగరాజును...
చిగురుటాకులే మార్చును చిన్న మొక్కను మహా వృక్షంగా...
చిరు గింజయే పుట్టించును మధుర ఫలాలనిచ్చే వృక్షాన్ని...
చిరు అడుగులే చేర్చును ఎంత పెద్ద గమ్యమైనా...
చిల్లర పోగేస్తే మారుతుంది ఆపదలో ఆదుకునే నేస్తంగా...
చిరుగాలి కలిగించును మనసుకు ఎంతో హాయి...
చిరు ఉడుతయే నిలిచెను సహాయానికి మారు పేరుగా...
చిరు అణువుయే సృష్టించును మహా ప్రళయం...
చిరు వామనుడే ఆక్రమించెను ముల్లోకాలను చిరు అడుగులతో...
చిరు రంధ్రమే ముంచి వేయును పెద్ద ఓడను మహా సముద్రంలో...
చిరు తిండియే పాడు చేయును విలువైన ఆరోగ్యాన్ని...
చిరు వైరసే కబళించివేయును విలువైన ప్రాణాలను...
చిరు అంటేనే జ్ఞప్తికి వచ్చును పవర్ ఫుల్ " మెగా స్టార్ "...
చిరు స్టెప్పులేస్తే తన్మయత్వంతో ఊగిపోవును సినీ అభిమానులు ...
చిరు చీమ యే నిలిచెను శ్రమకు స్ఫూర్తిగా
చిరు అపార్థమే కలిగించును సంబంధబాంధవ్యాల విచ్చిన్నం
చిరు గడ్డి పోచలే ఐక్యమై బంధించును గజరాజును సైతం...
చిరు మెజారిటీ ఐనా నిలుపును విజేతగా ఎంత పెద్ద పందెంలోనైనా...
చిరు ధాన్యాలు కలిగియుండెను ఎన్నో పోషకవిలువలు...
చిరు బాలల హృదయాలే వెలుగొందెను నిష్కల్మష దైవ మందిరాలుగా
చిరు బాల వాక్కుయే వర్ధిల్లెను బ్రహ్మ వాక్కుగా...
చిరు ప్రాయ జ్ఞాపకాలే కలిగించును ఎంతో ఆనందం...
చిరు శిశువులే నిరూపించెను సతీ అనసూయా దేవి మహిమను...
చిరు బాలలతో ఆటలాడెను సద్గురు శ్రీ సాయినాథులు...
చిరు నలుసే కలిగించును కంటికి ఎంతో బాధ...
చిరు ప్రహ్లాదుడే నిరూపించెను హరి నామ మహిమను...
చిరు కృష్ణుడే చూపెను ఎన్నో మాయా లీలలు...
చిరు చక్కిలిగిలే కదిలించివేయును ఎంతటి భారీ శరీరాన్నైనా...
చిరు శబ్దమే కాపాడెను ధర్మరాజు సత్య సంధతను...
చిరు బాలల పలుకులే కలిగించును మనసుకెంతో మురిపెం...
చిరు పల్లెలే అయ్యెను దేశానికి పట్టుగొమ్మలు...
చిరు తప్పిదము దారితీయును పెను ప్రమాదానికి...
చిరు దీపమే తరిమికొట్టును కారు చీకట్లను
చిరు ఏదైనా కలిగించును నష్టమైనా లాభమైనా భారీగా...
" చిరు అంశం " పట్ల ఎప్పుడూ " చిన్న చూపు " వలదు సుమా...

ఈత...నేర్చితే మార్చును మన తల రాత...- కవిత

ఈత...నేర్చితే మార్చును మన తల రాత...
లేకపోతే మిగిల్చును తల్లిదండ్రులకు గుండె కోత...
నేర్పాలి అందరికి ఈత...
అందించాలి అందరికి వరదల్లో చేయూత...
ప్రాణరక్షణ విద్యల్లో నైపుణ్యత..
పొడిగించును మన జీవితపు పొదుపు ఖాతా...
జన్మనిస్తుంది మాత...పునర్జన్మనిస్తుంది ఈత...
ఈత..చక్కని ఆరోగ్యానికి మేత...

చిట్టి పొట్టి చిన్నారి ఉడతా...- కవిత

చిట్టి పొట్టి చిన్నారి ఉడతా...
ఎంతో అలరిస్తోంది నీ బుడి బుడి నడక...
చక చక చెట్టెక్కి వేస్తావు పడక...
కొమ్మల చాటునుండి నీ తొంగి తొంగి చూపులు చూడడం మాకెంతో వేడుక...
నీ ఆనందాలకు కావాలి ఆలవాలం మా హరితహార కార్యక్రమం...
సదా అలరించు నీ బెదురు బెదురు చూపులు,ఆటపాటలతో...
పెంపొందించు నీవంటి భక్తినైనా శ్రీరాముని పట్ల మాలో...
ఉడుతా భక్తిగా పెంచెదము  నీకై మధుర ఫలాల వృక్షాలు ఎన్నో...
కనులారా వీక్షించి కడుపారా భుజించి ఆశీర్వదించు మా ఆబాలగోపాలమ్ము.

ఏమని వర్ణించనూ... - కవిత

ఏమని వర్ణించనూ...
గోమాత నీ కరుణా కృపా కటాక్షముల్ దక్క...
నేనేంత అదృష్టవంతుడినో...
సదా కురిపించు నీ దయార్ద్ర హృదయ వీక్షణములు...
నీ పాల మురిపాల వెల్లువలో తడిసి ముద్దయేలా...
ప్రియమార ఆలింగనముల్ సేతు ...
కడుపార పాలిచ్చి కరుణించు మమ్ము మా తల్లి..మా కల్పవల్లి...గోమాత...

ఎవరూ ఎవరిని సరిగా అర్థం చేసుకోవడం లేదు నేటి సమాజంలో... - కవిత

ఎవరూ ఎవరిని సరిగా అర్థం చేసుకోవడం లేదు నేటి సమాజంలో...
అంతా "అర్థం"గురించే అలోచిస్తున్నారు ఎక్కువగా నేటి  సమాజంలొ...
అది అర్థం పర్థం లేని అలోచన అని తెలిసినా మానడం లేదు నేటి సమాజంలో...
అసలు పరమార్థం అర్థం చెస్కోవడం జరగాలి నేటి  సమాజంలో...
నిరర్థక ప్రయత్నాలు ప్రయోజనాలు వ్యర్థం అని తెలుసుకోవడం జరగాలి నేటి సమాజంలో...
అర్థవంతమైన పనులు ప్రవర్ధిల్లాలి నేటి సమాజంలో...
అపుడే జనుల జీవితం సార్థకత అవుతుంది నేటి సమజంలో...

మొదలైంది ఎండాకాలం...కవిత

మొదలైంది ఎండాకాలం...
జ్వలిస్తోంది భానుడి ప్రతాపం...
ఆవిరి అవుతోంది ఒంట్లోని జలం...
తక్షణమే పడాలి జాగ్రత్త మనం...
దూరంగా ఉంచాలి కృత్రిమ శీతల పానీయం...
విరివిగా తాగాలి కొబ్బరి బోండాం...
విడవకుండా తాగాలి నిమ్మ రసం...
కలవకుండా చూడాలి కలుషిత జలం...
శుభ్రంగా తాగాలి శుద్ధ జలం...
మరువవద్దు ఉల్లి చేసే సాయం...
ఆనందంగా తాగాలి అంబలి మనం...
చిరు జాగ్రత్తలే చూపెట్టును ఎంతో గుణం...
సదా విశ్రమించాలి చెట్టు నీడలో మనం...
క్షెమంగా గడవాలి ఈ వేసవి కాలం...

ఇంకా కొన్ని మిగిలే వున్నాయి పూడ్చివేయని బోరు బావులు - కవిత

ఇంకా కొన్ని మిగిలే వున్నాయి పూడ్చివేయని బోరు బావులు...
మాయం చెయ్యడానికి పసి పాపల బోసి నవ్వులు ,
తక్షణమే గుర్తించాలి ఆ తావులు ...
నివారించాలి పసిపిల్లల అకాల చావులు ,
అసలే సమాజం ఎదుర్కుంటోంది ఎన్నో అకాల చావులు...
మధ్యలో దాపురిస్తున్నాయి ఈ నిర్లక్ష్యపు చావులు ,
ఇకనైన మేల్కొని పూడ్చివేయండి పనికిరాని బోరు బావులు...
అవ్వండి పిల్లల ప్రాణాలు కాపాడే మహానుభావులు...

రైతు బతకడానికి నిలబడాలి అందరూ వెన్నుదన్నుగా - కవిత

'రైతు బతకడానికి నిలబడాలి అందరూ వెన్నుదన్నుగా...
తలో చెయ్యి వేస్తే జరుగును కార్యక్రమం  సజావుగా...
చిరు ప్రయత్నమైనా ఉపయోగపడును ఉడతా సహాయంగా...
విద్యావంతులు చర్చించాలి సమస్యను సవివరంగా...
యెక్కడికక్కడ ఇవ్వాలి భరోసా ను శీఘ్రంగా...
జరపాలి అవగాహనా శిబిరాలు విరివిగా...
సమస్యలు పరిష్కారాలు  ఉండాలి ఎజెండాలో  ముఖ్యాంశంగా...
ఆత్మహత్యలు పరిష్కారం కావని తెలపాలి సత్వరంగా...
నింపాదిగా అలోచిస్తే దొరుకుతుంది పరిష్కారం ఖచ్చితంగా...

చెరువు - కవిత

చెరువు...
చేసింది ఇన్నాళ్ళు గుండె చెరువు ...
కలిగించింది ఎంతో గుండె బరువు...
తెచ్చిపెట్టింది భరించలేని కరువు...
జనులు చేసారు ఎంతో అరువు...
కొద్దిపాటి శ్రద్ధతో నవీకరించబడిన చెరువు...
ప్రస్తుతం చూపుతోంది ఎందరికో బ్రతుకు తెరువు...
కాసింత కరుణ చూపితే చెరువు...
అందరికీ ఇచ్చును ఆదరువు..
చెరువు సబ్బండ వర్ణాల బ్రతుకు ద్వారాలు తెరువు,
చెరువు సకల జనుల కోరికలు తీర్చే కల్పతరువు,
జలకళతో ఉట్టిపడే చెరువు
అభివృద్ధికి బాటలు పరువు. షుభమధ్యహ్నం.

'స్వామియే శరణమయ్యప్పా చేయుమయ్యా మా కష్టాలు స్వాహా - కవిత

'స్వామియే శరణమయ్యప్పా చేయుమయ్యా మా కష్టాలు స్వాహా...
హరిహరసుత అయ్యప్పా అనిపించు మా బాధలు హరీ...
మణికంఠ అయ్యప్పా చేయవయ్యా మా మాయా భ్రాంతులను మాయం...
ధర్మశాస్తా అయ్యప్పా నడిపించు మమ్ము తప్పకుండా ధర్మం...
శబరిమల వాసా అయ్యప్పా మార్చుము మమ్ము మాత భక్త శబరిలా...
ఓం శ్రీ స్వామియే శరణమయ్యప్పా...

'నిన్ను నమ్మి నిశిరాత్రి వేళ నిశ్చింతగా నిదురపోతున్నాము - కవిత

'నిన్ను నమ్మి నిశిరాత్రి వేళ నిశ్చింతగా నిదురపోతున్నాము...
ఓ నీరజాక్షా నీవే మాకు సదా రక్ష...
సకల చరాచర జగధ్రక్షకా శరణు శరణు...
నీకై ప్రాణార్పణ సైతం గావింతుము పాహిమం పాహిమం ఓ పద్మజాక్షా...
సదా ధర్మవర్తనులుగా  మా ప్రయాణం గావించు ఓ కమలాక్షా...
వైషమ్య రహిత జీవితం వరప్రసాదం గావించు ఓ విరూపాక్షా...
కృతజ్ఞులమై ఉందుము హృదయపూర్వక వందనాలతో ఓ వనజక్షా...
విలువైన విద్యలెన్నో నేర్చి వినువీధులకెక్కేలా చూడు ఓ విమలాక్షా...

ఎంతెంత దయ నీది ఓ సాయి - భజన

ఎంతెంత దయ నీది ఓ సాయి
నిన్ను ఏమని పొగడను సర్వాంతర్యామి 2    " ఎంతెంత "

తొలగించినావు వ్యాధులు ఊదితో
వెలిగించినావు దివ్వెలు నీటితో 2
నుడులకు అందవు నుతులకు పొంగవు 2
పాపాలు కడిగేటి పావన గంగవు   " ఎంతెంత "

భక్త కబీరే నీ మతమన్నావు
భగవానుడే నీ కులమన్నావూ 2
అణువున నిండిన బ్రహ్మాండమున 2
అందరిలో నీవె కొలువై ఉన్నావు   " ఎంతెంత "

ప్రభవించినావు మానవ రూపమై
ప్రసరించినావు ఆరని జ్యోతివై  2
మారుతి నీవే గణపతి నీవే 2
సర్వ దేవతల నవ్యాకృతి నీవె   " ఎంతెంత "

గణ నాయకం గణేశ్వరం - భజన

గణ నాయకం గణేశ్వరం
సాయి గణ నాయకం గణేశ్వరం
గౌరీ తనయం గజాననం గౌరీ తనయం గజాననం  " గణ "

మూషికవాహన శ్రీ గణనాథం 2
పాషాంకుశధర బాల గజాననం 2
ఆనంద తాండవ నర్తన గణపతిం 2
నర్తన గణపతిం
వినాయకం విఘ్ననాశకం విఘ్నేశ్వరం 2  " గణ "

జగదభి రామా రఘుకుల సోమా - భజన

జగదభి రామా రఘుకుల సోమా
శరణములీయవయా రామా కరుణను చూపవయా 2

కౌశిక యాగము కాచితివయ్యా
రాతిని నాతిగ చేసితివయ్యా 2
హరివిల్లు విరిచీ మురిపించు సీతను 2
పరిణయమాడిన కళ్యాణరామా
శరణములీయవయా రామా కరుణను చూపవయా     " జగ "

ఒకటే మాటా ఒకటే బాణము ,
ఒకటే సతియని చాటితివయ్యా,
దుజనులనణచి సుజనుల బ్రోచిన
ఆదర్శమూర్తివి నీవేనయా
శరణములీయవయా రామా కరుణను చూపవయా     " జగ "

జయ జయ రాం జానకి రాం 2
పావన నాం మేఘశ్యాం 2

సిరిసిల్లలో సాంచల సవ్వళ్ళు - కవిత

సిరిసిల్లలో సాంచల సవ్వళ్ళు,
నేతన్నలలో ఆనందానికి ఆనవాళ్ళు,
కష్టాల బడబాగ్నిపై కురుస్తున్న పన్నీటి జల్లు,
హృదయాలలో మ్రోగుతున్న హరివిల్లు,
నయనాలలో వర్షిస్తున్న ఆనందపు కన్నీళ్ళు,
శ్రమైక జీవులలో సౌందర్యం పరిఢవిల్లు,
నిరంతర కృషితోనే కష్టాలకు చెల్లు,
నిర్లక్ష్యం వహిస్తే అభివృద్ధి కునారిల్లు.

పాడగా పాడగా - కవిత

పాడగా పాడగా రాగమతిశయిల్లుచునుండు,
వేడగా వేడగా శ్రీకృష్ణుడు కరుణించుచునుండు,
వడి వడిగా గంగను గైకొని శ్రీశైలం వచ్చుచునుండు,
శివ శివా అంటూ మల్లన్నకు అభిషేకం గావించుచునుండు,
వెను వెంటనే నాగ 'అర్జునుని ' చేర పయనమవ్వుచునుండు,
క్రిష్ణ క్రిష్ణా యని అర్జునుడు ఆలింగనం చేసుకొనుచుండు,
జయ జయ ధ్వానాలు మిన్ను ముట్టగా నర నారాయణుల కలయిక అచ్చెరువొందించుచునుండు,
శ్రీ క్రిష్ణార్జునుల కలయిక తెలుగు ప్రజల నట్టింట్లో సిరుల పంట పండించుచునుండు,
జయజయహే శ్రీక్రిష్ణా నమో నమ:

పొలం లో నిరంతరమైన విద్యుత్ వెలుగు - కవిత

పొలం లో నిరంతరమైన విద్యుత్ వెలుగు,
నయనం లో నాణ్యమైన ఆరోగ్యపు వెలుగు,
కళ్యాణ లక్ష్మి , షాదీ ముబారక్ లతో కన్యల మొహాలు వెలుగు,
.ఆసుపత్రి లో సహజమైన ప్రసవం కలుగు,
కెసీఆర్ కిట్ లతో పచ్చి బాలింత,పసిగుడ్డులకు ఆసరా కలుగు,
గురుకులం లో ఆనందకరమైన అభ్యసనం కలుగు,
మిషన్ కాకతీయలో పేరుకున్న పూడిక తొలుగు,
చెరువులలో జలకళతో పారుతున్న అలుగు,
హరితహారంలో పుడమికి పచ్చదనపు వెలుగు,
పాఠశాలల్లో వెలుగుతున్న తీయనైన తెలుగు,
సదా మెలకువలో ఉండి జాగరూకతతో మెలుగు,
అపుడే తెలంగాణలో నిజమైన అభివృద్ధి కలుగు.

ప్రాణ్ ప్రదాతా సంకట్ త్రాతా - భజన

ప్రాణ్ ప్రదాతా సంకట్ త్రాతా
హే సుఖ్ దాతా ఓం ఓం
సవితా మాతా పితా వరేణ్యం
భగవాన్ భ్రాతా ఓం ఓం
తేరా శుద్ధ్ స్వరూప్ ధరే హం
ధారణ్ దాతా ఓం ఓం
ప్రజ్ఞా ప్రేరిత్కర్ సుకర్మ్ మే
విశ్వ విధాతా ఓం ఓం

ఓమానంద్ ఓమానంద్ ఓమానంద్ ఓం ఓం
బ్రహ్మానంద్ ఓమానంద్ ఓమానంద్ ఓం ఓం

చేనేత బతుకులు - కవిత

నాడు

చెడు కాలము దాపురించగా
చేదెక్కినవి చేనేత బతుకులు
ఇక గతం ఒక పీడ కల
నేడు శుభగడియలు రాగా
నేతి మిఠాయిలు తిన్నట్లుగా
మారినవి నేతన్న బతుకులు

నేడు
ఇది నెరవేరిన కల

గంజి నీళ్ళు నీవు తాగి
అన్నం పిల్లలకు తినిపించి
కష్టాల కడలి ఈదుతూ
ప్రాణాలు కళ్ళలో పెట్టుకుని
దీనంగా దిన దిన గండంగా
బ్రతికిన ఓ నేతన్నా
నీ మొర ఆలకించిరి దేవతలు
కలిగించిరి చంద్రశేఖరుని మదిలో ఆలొచనలు
కురిపించిరి పథకాల వరాల జల్లు
ఇక నీ కష్టాలకు శాశ్వత సెలవన్నా

ఓ నేతన్నా

మంచు కురవనీ - కవిత

మంచు కురవనీ,
మనసు మురవనీ,
వర్షం కురవనీ,
తనువు తడవనీ,
విత్తు మొలవనీ,
పుడమి పులకరించనీ,
మొక్క పెరగనీ ,
మోము వికసించనీ,
పూలు పూయనీ,
పూజలు చేయనీ,
కాయలు కాయనీ,
కాలం సాగనీ,
పంటలు పండనీ,
ఫలం లభించనీ,
ఆదాయం ఆర్జించనీ ,
ఆబాలగోపాలం ఆనందించనీ,
గుళ్ళో జేగంట మోగనీ,
గుండె ఉప్పొంగనీ,
దేవుడు కరుణించనీ,
వరములు కురిపించనీ...

సూడు సూడు నల్లగొండ గుండె మీద ఫ్లోరైడ్ బండ - కవిత

సూడు సూడు నల్లగొండ
గుండె మీద ఫ్లోరైడ్ బండ
ప్రజలందరూ బేజారెత్తుతుండ
బద్దలు కొట్టెనంట ఎముకలేమీ మిగులకుండ
ప్రార్ఠించిరి ప్రజలు పట్టు విడువకుండా
సాధించిరి భగవదనుగ్రహము సంతసము నిండా
అభయమిచ్చెను భగవానుడు మది నిండా
భయము వలదనెను చంద్రశేఖరుడు అండగా నుండ
సారించెను దృష్టి సమస్య గుండా
సాధించెను కృష్ణా ,భగీరథుల అండ
బద్ధలాయెను ఫ్లోరైడ్ బండ
ప్రజల గుండెలు తేలిక అగుచుండ
పారిపోయెను ఫ్లోరైడ్ రక్కసి దరిదాపులలో కనబడకుండా
ఇక పరిగెత్తును అభివృద్ధి ఎముకలు గట్టిపడుచుండ
తెలపాలి కృతజ్ఞతలు ఎల్లరకు హృది నిండా

కరుణ జూపుమా ఓ రామా కళ్యాణ రామా - భజన

{ఆరనీకుమా ఈ దీపం శైలిలో....}

కరుణ జూపుమా ఓ రామా కళ్యాణ రామా
కోపమా మా పైన నీకు కోదండ రామా

మధురమురా రామా నీ నామము
మధురముగా నీ భజనలు చేయుదు........ " కరు"

ఆ ఆ ఆ

ఈ సృష్టికి సూర్యుని రూపున వెలిగే శృంగార రూపం
నా కంటి పాపలో కదలాడే నీ కమనీయ రూపం
నా ఆత్మలో వెలిగే దీపం
ఈ దీనుని పాలిట దివ్య స్వరూపం.... " కరు "

ఆ ఆ ఆ

రాముడవైనా శ్యాముడవైనా నీవేరా రామా
రామాయను రెండక్షరమ్ములు మధురమ్ముర రామా
సురులైనా నరులైనా
తృప్తిగ కొలిచే సుందర రూపం...   " కరు "

ఆ ఆ ఆ

పంచరంగుల రూపుడవయ్యా పరమాత్మా నీవు
రాజేశ్వరుడు గతియించెనురా రక్షింపుర రామా
నే కోరేది ఒకటే వరము
ఈ జీవాత్మకు ముక్తి మార్గము ... " కరు "

ఆ ఆ ఆ

సకల విద్యల సారం సంస్కారం - కవిత

సకల విద్యల సారం సంస్కారం ,
ఇది లేని జీవితం అగును నిస్సారం ,
సరిగా పాటిస్తే పొందెదము సత్కారం ,
లేకపొతే అనుభవమగును చీత్కారం ,
పెట్టెదరు జనం ఓ పెద్ద నమస్కారం ,
పాడైపోవును మన గ్రహ చారం ,
సంస్కారం పట్లనే మనం పెంచుకోవాలి మమకారం ,
పాటిస్తే దీనిని ఒక పద్ధతి ప్రకారం ,
అందును అన్ని వైపుల నుండి మనకు సహ కారం ,
పొందును సకల సమస్యలు పరిష్కారం ,
అగును జీవిత కలలు సాకారం ,
తొలగిపోవును జీవితం లోని అంధకారం ,
అనుభవమగును మధుర జీవన సారం.

సేవా భావం ఒక అమూల్యమైన ఆభరణం - కవిత

సేవా భావం ఒక అమూల్యమైన ఆభరణం,
ధరించాలి నిరంతరం దీనిని మనం,
తపించాలి దీనికై అనుక్షణం మనం,
వెచ్చించ్చాలి సమయం దీనికై అనుదినం,
సాధించాలి దీనిలో పరిణతి దినదినం,
తరించాలి సేవలో ప్రతి క్షణం,
లీనమవ్వాలి దీనిలో ప్రతి దేహకణం,
తగ్గించాలి సేవతో ఆందోళన ఇతరులలో మనం,
పెంపొందించాలి ఇతరులలో సేవా గుణం,
పంచుకోవాలి ఆ ఆనందం ఇతరులతో మనం,
పెంచాలి సేవతో ఇతరులలో మంచి తనం,
గ్రహించాలి ఇతరులలోని మంచిని మనం,
చిందించాలి సేవలో స్వేదం జనం
అనుగ్రహించాలి బాలలను సేవతో మనం,
నేర్పించాలి భావితరాలకు ఈ సుగుణం
గర్వించాలి భావితరాలు చేసుకొని మనల్ని మననం

మన శ్శాంతిని ,మనో జయాన్ని కోరువారు జపించవలసిన నర నారాయణ మంత్రం

మన శ్శాంతిని ,మనో జయాన్ని కోరువారు జపించవలసిన నర నారాయణ మంత్రం.

ఓం నమో భగవతే ఉపశమశీలాయ
ఉపరత అనాత్మ్యాయా నమో అకించిన విత్తాయ
రుషి రుషభాయ నరనారాయణాయ
పరమహంస పరమ గురవే
ఆత్మ రామాధిపతయే నమో నమ ఇతి

ఈ మంత్రం జపించుట వలన మనశ్శాంతి, మనో నిగ్రహం,మనో జయం కలగడమే కాక, భక్తి శ్రద్ధలతో జపించటం వలన కోపాన్ని ,కోరికలను గెలవవచ్చు.అంతే కాక విద్యా బుద్ధులు ,సత్ప్రవర్తన అలవడుతాయి.లోక కళ్యాణ కాంక్ష కలిగిన వారు ముఖ్యంగా ఈ మంత్రాన్ని జపించాలి.
మంత్రమూలం - శ్రీమద్భాగవతం లోని పంచమ స్కంధం

మంత్ర జప విధానం - ప్రాత:కాలమునే లేచి స్నానాదులు ముగించుకుని పరిషుద్ధమైన వస్త్రాలు ధరించి లలాటమున తిలకం దిద్దుకుని పూజా మందిరంలో దీపారాధన చేసి తమ నిత్య కృత్యములైన సంధ్యా వందనాది కార్యక్రమాలను ముగించుకుని నిశ్చలమైన పరిశుద్ధమైన మనస్సుతో తమ తమ శక్తి కి అనుగుణంగా మంత్రాన్ని జపించాలి.

దర్శనమీయరా దయాసాగరా దానవ హరణా దామోదరా - భజన

దర్శనమీయరా దయాసాగరా దానవ హరణా దామోదరా
దర్శనమీయరా దయాసాగరా దానవ హరణా దామోదరా

పరి పరి విధముల ప్రస్తుతి జేసితీ
పార జూడవా పరాత్పరా               " దర్శ "

వేదస్వరూపా అని వేయిమార్లు పిలిచినా
పలుకవు పిలిచిన,ఫలమేమి లేదురా     " దర్శ "

ముమ్మాటికి నీ వాడను నేననీ
మురళీ దాసుడ కరుణించవా         " దర్శ "

మనోహరం మహా వరం సాయి ఉపన్యాసం - భజన

మనోహరం మహా వరం సాయి ఉపన్యాసం
మరపు రాదు మరల రాదు మనకీ అవకాశం  " మనో "

వేదికపై సాయి ఉపన్యాసించుచుండగా
వినిన చెవులు పండగా వినని చెవులు దండగా    " మనో "

మందహాస వదనముతో సాయి పలుకరించగా
సనాతనా సారథీ స్వర్గానికి వారధీ      " మనో "

కృష్ణమ్మ పరవళ్ళు - కవిత

తుళ్ళి తుళ్ళి పడుతూ
పరవళ్ళు తొక్కుతూ
బిర బిరా వస్తోంది కృష్ణమ్మ

ఒక్కో అడ్డంకి దాటుతూ
తడారిన ప్రాజెక్టులు నింపుతూ
బిర బిరా వస్తోంది కృష్ణమ్మ

జనుల కళ్ళలో సంతసం నింపుతూ
జన దాహం ,భూదాహం తీర్చుతూ
బిర బిరా వస్తోంది కృష్ణమ్మ

పిల్లా పాపల భవిష్యత్ కు భరోసానిస్తూ
తెలుగు ప్రజల కడగండ్లు తీర్చడానికి
బిర బిరా వస్తోంది కృష్ణమ్మ

స్వాగతం సుస్వాగతం కృష్ణవేణీ
తెలుగింటి విరిబోణీ మా ఇంటి అలివేణీ
నీ పాదాలకు మా వినమ్ర నమస్సుమాంజలులు

పచ్చదనం పరవళ్ళు-గ్రీన్ చాలెంజ్-కవిత

పచ్చదనం పరవళ్ళు తొక్కుతోంది కొంగ్రొత్త ఆలోచనలతో
ఇగ్నిటెడ్ మైండ్స్,వాక్ ఫర్ వాటర్ వంటి స్వచ్చంద సంస్థల విజ్రుంభణతో
గ్రీన్ చాలెంజ్ పరుగెత్తుతోంది నూతనోత్తేజం తో
ప్రతి మనిషీ కావాలి ఒక స్వచ్చంద సేవకుడు ఈ విజయ స్ఫూర్తితో
ఇలాంటి కార్యక్రమాలు ఇంకెన్నో అంకురార్పణ కావాలి ఈ ప్రేరణతో
ప్రపంచం ఉలిక్కి పడాలి తెలుగు ప్రజల ఖ్యాతితో
అభివృద్ధి జరుగుతుంది శరవేగంగా ఇలాంటి వినూత్న ఆలోచనలతో
ఇరుగు పొరుగు రాష్ట్రాలనూ కలుపుకోవాలి ఈ కార్యక్రమంలో స్నేహభావంతో
అందరి అభివృద్ధీ మా కోరికని చాటాలి విశాల భావంతో
అపుడు నెలకొంటుంది శాంతి సుస్థిరంగా సంభ్రమాశ్చర్యాలతో
విచ్చేయుదురు లక్ష్మీ సరస్వతులు కరుణా కటాక్షములతో
పలకాలి సుస్వాగతం వారికి మంగళ వాయిద్యాలతో

కాలుష్య భూతం - కవిత

తర తరాలుగా ఎంతో బాధిస్తున్నదీ కాలుష్య భూతం
తన,పర భేదం లేకుండా అందరిపై చూపుతోందీ తన ప్రతాపం
స్వార్థం,నిర్లక్ష్యం చూపడం మహా పాపం
ఇంత అజ్ఞానం ఉండడం నిజంగా మనకొక శాపం
కఠిన చర్యలే దీనికి చక్కటి శరా ఘాతం
తద్వారా తక్షణమే ఉపశమించును మహా తాపం
జనులెల్లరు తప్పించుకొనెదరు మహా క్షామం
భవిష్యత్ తరాలు పొందును చక్కటి ప్రాప్తం
ఎగురవేయును ఆరోగ్య జయ కేతనం
దీనికి మనమే కావాలి మూల కారణం
ఇది కలిగించును మనకెంతో గర్వ కారణం.

నందలాల నవనీత చోరా నట్వర్ లాలా గోపాలా

నందలాల నవనీత చోరా నట్వర్ లాలా గోపాలా
దేవకీ వసుదేవ కుమార దేవ దేవా గోపాలా    !! నం !!

మొహన మురళి గాన విలోలా మోహనా జయ గోపాలా
షిరిడి పురీషా సుందర రూపా సాయి దేవా గోపాలా    !! నం !!